(تابع) بيان الرئيس جمال عبدالناصر في المؤتمر الصحفي لمراسلي الصحافة العربية والأجنبية

الرئيس: ولا أي ظروف . مياه إقليمية مصرية لن تمر فيها سفن إسرائيل. وهذا موقف لن أتزحزح عنه بوصة واحدة.

السؤال السادس عشر: من ويليم رد ميكارس، ممثل مجلة تايم الامريكية:

         هل تتفضلون بتوضيح طابع حالة العلاقات بين الجمهورية العربية المتحدة وأمريكا؟

الرئيس: علاقات كويسة أوي، باين إنها علاقات كويسة! طبعا باين من الكلام إن العلاقات بينا وبين أمريكا علاقات سيئة جداً. مفيش أي اتصالات بينا وبين الولايات المتحدة الأمريكية في الوقت الحالي. إحنا بنعتبر إن أمريكا متحيزة وواخدة جانب إسرائيل 100 بالماية.

         طبعا هذا يؤثر على العلاقات بينا وبين امريكا محناش عايزين حاجة من أمريكا. أبدا وإحنا باستمرار كنا بنعرض صداقتنا على الشعب الأمريكي، وإحنا مفيش حاجة بينا وبين الشعب الأمريكي. مفيش مشكلة بينا وبين أمريكا، إيه اللي بينا وبين أمريكا في الأمر القائم؟ المشكلة بينا وبين إسرائيل. إيه اللي دخل أمريكا في الموضوع؟ مفيش مشكلة مباشرة بينا وبين أمريكا. لأسباب طويلة نعرفها وللأصوات اليهودية في أمريكا وللأسباب التاريخية المعروفة تحزيت تحيز كامل لإسرائيل وتجاهلت تجاهل كامل حقوق العرب المشروعة. أمريكا كأكبر دولة ، أمريكا كأقوى دولة، أمريكا كأغنى دولة يجب أن تكون عادلة في معاملتها للعالم حتى ينظر إليها العالم بثقة. وحتى ينظر العالم إليها باحترام.

السؤال السابع عشر : من نفس السائل:

         هل تتفضلون بالتعليق على ما يمكن أن يحدث لقناة السويس إذا ما أعلنت الحرب؟

الرئيس: أي حرب ؟ طبعا إذا كانت حرب مع إسرائيل مفيش حاجة في قناة السويس. إذا كانت فيه دولة تانية حاتتدخل يبقى مفيش قناة السويس، وكده بوضوح وكده بصراحة.

السؤال الثامن عشر: من أرمينيو سابيوللي، ممثل صحيفة لونيتا الإيطالية:

سيادة الرئيس: فميا يختص بحقوق الجمهورية العربية المتحدة في مضايق تيران، ماهي حدود المياه الإقليمية المصرية، وهل رفضت الجمهورية العربية حصارا تاما هناك؟ وهل التزمت مصر بارتباطات دولية متعلقة بالملاحة في هذا المضيق؟

الرئيس: برضه بيتهيأ لي إني جاوبت على هذا الكلام. ولكن حدود المياه الإقليمية هنا. إحنا المياه الإقليمية حسب إعلانا المياه الإقليمية المصرية 12 كيلو. لكن مضيق تيران اقل من 3 ميل ، إذن إذا قلنا إن المياه الأقليمية 3 ميل فالمضيق كله بيكون 3 ميل.

<14>