(تابع) خطاب الرئيس جمال عبدالناصر، بمناسبة عيد العمال في شبرا الخيمة

المعاهد، بعدين هم مين دول، دول أولادنا واخوتنا عايزين دول بعد ما يطلعوا يشتغلوا وانتم كلكم عمال وعارفين. هل يمكن وهل يكون اقتصادياً وهل مقبول إن إحنا نحط دول في مصانع قد استوعبت هذا العدد من العمال. مش ممكن، ومعنى هذا نبدأ إن إحنا نخربها ومابنخلهاش أبداً تمشي في الطريق الصحيح. إذا الطريق الوحيد قدامنا إن إحنا نعمل ونوفر فلوس، نستثمرها في الزراعة والصناعة وفي المواصلات ونشغل الناس اللي يصلوا إلى سن العمل كعمال أو كفنيين. إذا ماعملناش كده يبقى معنى هذا إن أولادنا واخواتنا مش حايشتغلوا وحايكونوا عاطلين. هل نقبل هذا. أبداً لأن آمالنا بتقول إحنا عاوزين نطور بلدنا عايزين كل واحد فيها يعيش حياة حرة، كل واحد يعيش حياة كريمة. إذن لازم نجند كل ما في قدرتنا. إحنا بنجند كل ما نستطيع من الأموال نجمع كل ما نستطيع من الأموال علشان نحط رؤوس أموال نقيم بها هذه المنشآت علشان نطور بلدنا.

         زود إنتاجنا زود ثروتنا علشان أيضاً نوجد فرص عمل لأبنائنا ولاخواننا.. طب أنا هجيب هذه الفلوس منين علشان نقيم هذه المصانع علشان نصلح الأراضي الزراعية، مش ممكن هتيجي هذه الأموال إلا من الوفورات بناخد إحنا.. بناخد أموال قنال السويس، وبناخد احتياطيات المصانع علشان نقيم بها، ثم تأخذ الحكومة أيضاً المدخرات الحقيقية لغاية النهاردة أنا بدي أقول إن مدخراتنا 10، 12%، وإذا كنا لينا آمال كبيرة لازم مدخراتنا تكتر علشان إذا كنا مدخراتنا 12% معنى هذا إن أنا مش هقدر أستثمر أكثر من 12% من الدخل القومي. إذا وصلنا إلى 20% يبقى إذن نستطيع إن إحنا نزود أموال الاستثمار. بنقول السنة دي 400 مليون جنيه، لا لو نزود الادخار يبقى نصرف بدل 400 مليون جنيه نصرف 500 مليون جنيه، إذا زودنا الادخار أكثر نصرف في السنة في الخطة، خطة الإنتاج أكثر، عايزين نوصل الادخار من الدخل القومي في البلد كلها إلى 25%. بهذا نستطيع فعلاً إن إحنا نحدد أو نحقق أهدافنا ونخلق الوطن والمجتمع اللي إحنا عايزين نشوفه فعلاً. بدون كده بدون الاستثمار وبدون العمل لن نستطيع أن نحقق الأمل ولن نستطيع أن نحقق الصورة اللي الواحد فينا بيرسمها لبلده ولن نستطيع أن نحقق المستقبل لأبنائنا المستقبل اللي إحنا نتمنى ونأمل إنه بيكون أحسن من الظروف اللي إحنا عشناها والبلد تكون ثرت ونمت وتطورت أكثر مما ثرت وتطورت في أثناء جيلنا. الطريق الوحيد اللي هوه قدامنا هوه طريق العمل وبطريق العمل نستطيع فعلاً إن إحنا نبني، والطريق ده مش جديد علينا إحنا منذ الأزل هذا الطريق هو طريقنا وسيبقى طريقنا إلى الأبد وكنا في الماضي نعمل ونضحي من أجل الملوك ومن أجل الرأسماليين والآن نعمل ونضحي من أجل أنفسنا. وكنا في الماضي نعمل ونضحي بغير مقابل، والآن نعمل ونضحي ونحن اللذين نملك ثرواتنا ونملك عائدها نملك هذه الثروة لمين؟ لأنفسنا ولأولادنا ولأحفادنا ولمستقبل وطننا إلى ما شاء الله. كنا في الماضي نضحي ونعمل بدون مقابل من أجل مصالح الإقطاع ومن أجل مصالح رأس المال المستغل، أما الآن نعمل ونضحي من أجل العمال والفلاحين والشعب العامل كله.. الثورة من سنة 52 بدأت بأهدافها بالقضاء على الاستعمار والقضاء على الاحتكار والرأسمالية المستغلة والملكية الفاسدة التي كانت أساس الفساد في هذا البلد وصارت الثورة من أجل تحقيق العدالة الاجتماعية. وأنا واقف النهاردة بعد 15 سنة من الثورة وبتكلم معاكم من أول يوم من أيام

<8>