(تابع) خطاب الرئيس أنور السادات، أمام اجتماع اللجنة المركزية للاتحاد الاشتراكي ومجلس الشعب

وأن الوفاق لا يمكن إنه يكون في دائرة أكبر أو دايرة تمس هذا الموضوع الخاص بتأييدنا في قضيتنا وفي موقفنا.

          إلا إنه علشان برضه نكون حريصين، التعاون العربي السوفيتي، أو تعاوننا إحنا مع الاتحاد السوفيتي بيتعرض الحقيقة لمشاكل. مشكلة منهم كانت الوفاق الدولي اللي أنا قلت عليه ده، وإحنا أرجو إنه يكون مفهوم إن إحنا مش ضد الوفاق الدولي أو مش ضد إن أمريكا وروسيا يتفاهموا أو يزول شبح الحرب نهائياً من العالم. لا إحنا مش ضد هذا إطلاقاً، ولكن إحنا أصحاب قضية، وأصحاب قضية في منطقة في غاية الحساسية، والاثنين موجودين فيها. طيب يا ترى يكون موقفنا إيه لو الاثنين يأخذوا وجهة نظر واحدة بشكل ما ومصالحنا إحنا فين؟ لكن تأكيد الرئيس بريجينيف لحافظ إسماعيل الحقيقة بيخلينا نطمئن إلى إنه تأييد الاتحاد السوفيتي لنا في قضيتنا مستمر، ومده لنا بالأسلحة، صحيح إحنا ما احناش راضيين عنه الرضا اللي يرضينا، ولكن زي ما قلت أدي الله وادي حكمته وادي اللي إحنا بنقدر عليه وإحنا ما نفقدش هذا الصديق أياً كان العون اللي بيديه لنا.

          فزي ما أنا باقول أنا خايف إنه لازم ديماً نعمل حساب المشاكل اللي بتتعرض للتعاون العربي السوفيتي منها مشكلة الوفاق الدولي وزي ما قلت وفسرتها إحنا مش ضد التفاهم ولا ضد السلام. إحنا بس عايزين نحل مشكلتنا. الحاجة الثانية اللي جايز تعترض التعاون العربي السوفيتي هي محاولات بعض الفئات عندنا هنا في الداخل استغلال صفاتهم واستغلال المذهبية علشان يحققوا بعض التحركات وبيصروا العلاقة المصرية السوفيتية بمحاولة انهم يعني يجعلوا من الاتحاد السوفيتي هدف في عملية ما يجبش يكون فيها إطلاقاً وإنما لتحقيق أهداف لهم. حايفضلوا النقطتين دول الحقيقة محل بحث ودراسة منا وعلينا إن إحنا برضه نكون واعيين وعلى فهم إنه الصديق مهما حصل بيننا وبينه لازم برضه في النهاية يبقه مسلكنا هو مسلك الصديق، وحتى لما نختلف، اختلافنا هو اختلاف الأصدقاء وليس اختلاف الفرقاء.

          يعني زي ما قلت والتأكيد اللي إداه الرئيس بريحينيف للمستشار حافظ إنه عملية الوفاق لن تمس قضيتنا ولا موقفنا هنا في منطقتنا ومشكلتنا. وعلى أي حال إحنا بنؤمن في النهاية إن حركة الوفاق إذا كانت حتكون بالنسبة للاتحاد السوفيتي تخلي عن حركات التحرر الوطني فهي حتضر الاتحاد السوفيتي ذاته بل حتعزله، وده اللي همه عارفينه ومنتبهين له تماماً أصدقائنا السوفيت، وما اعتقدش انهم، ما اعتقدش إن دي فايتاهم إطلاقاً.

          ده بالنسبة للنقطة الثالثة اللي قلت إنها محور من المحاور الثلاثة اللي إحنا بنواجه بهم مخططات أعدائنا اللي بدأت تأخذ شكل عنيف منذ وقف إطلاق النار سنة 1970. يعني فيما قبل ذلك كان فيه حرب استنزاف و.. و.. ولو إن منذ 1965 أنا حكيت لكم و1967 ومجلس الأمن وصدور قرار لأول مرة في تاريخ الأمم المتحدة بوقف إطلاق نار دون انسحاب كله خط ماشي، ماشي. إنما عملية الإجهاز علينا بالكامل بدأت

<23>